Du hoschd geblinzlt
un e Schnuud gezoe
s’ heed a in Kuss soi kenne
in die Lufd gschmadzd
ja was is donn jezad
alla gud
du hoschd geblinzlt
un schunschd nix
Kategorie: Kurpfälzisch
Schee isses im GAU
(Mein Schlussgedicht bei der Spätlese heute Abend in der Felina!)
Monde schdrigge
Netzdasche fa
unsa Sunneblumme
In Hersch rährd
de Kitsch uf
die Schdrahle
Kloane Wutze
kreische im Wald
koan Mensch
kimmt wia mol
vorbei koana me do
zum schdrahle
Was ich sonst noch las:
Schee isses im GAU weiterlesen
Dischbediern
Und weil es im Dezember andere sind, die demonstrieren, mein ’96iger Text wieder und wieder…
Weil heute in Berlin wieder eine Demo gegen Judenhass ist. Weil das wieder und wieder notwendig ist und eigentlich nichts nutzt. Weil in Darmstadt ein Fußballtrainer der 2. Bundeslige seine Spieler bestraft, indem sie ein rosa Trikot, mit der Aufschrift “Tussi” tragen müssen und die ganzen Antihomophobie-Sprüche des DFB nichts nützen, weil die heuchlerische Springerpresse das getreulich missachtet. Und weil, weil, weil ich die Erinnerung auch brauche.
“Hört nicht fort, lauft nicht fort, disputiert halt mit”. Aus dem Jahr 1996 ein Text von mir für die Gruppe “Uhne Ferz”. Im Viernheimer Dialekt. Auch zum anhören.
Dischbediern
Un wonn se wia dischbediern
daß beim Adolf alles bessa wa
Un wonn se wia dischbediern
daß alle Schwule ufg’henkt kän
Un wonn se wia dischbediern
daß die Waiwa in die Kisch kän
R E F R A I N:
Hä net fort, laaf net fort
Dischpedier halt mit
Saach laut was de dengscht
wonn’s soi muß , donn kreisch laut
no, no, no…
Un wonn se wia dischbediern
daß die Polacke all vagaast kän
Un wonn se wia dischbediern
daß die Bimbos doch im Busch bleiwe solle
Un wonn se wia dischbediern
daß alle Tirke hom gschafft kän
R E F R A I N
Un wonn se wia dischbediern
daß Autofahrn dem Wald nix mescht
Un wonn se wia dischbediern
daß Mill sortiern was fa Dumme is
Un wonn se wia dischbediern
daß noch kona ‘sOzonloch g’sehe hot
R E F R A I N
Un wonn se wia dischbediern
daß Auslänna vabrenne sou vakährt net wä
Un wonn se wia dischbediern
daß Poltitik blouß was fa die onnan wä
Un wonn se wia dischbediern
daß alle Arbeitslose faul wän
R E F R A I N
Un wonn se wia dischbediern
daß Kinna un Waiwa ab un zu Priggl brauche
Un wonn se wia dischbediern
daß es des beim Adolf net gewwe hät
Un wonn se wia dischbediern
daß Sie alles bezahle meeste
R E F R A I N
Rettet den Dialekt
Rettet den Dialekt,
speak german, my love
and a hip
and a hop
alla donn!
Wu meschdn noch hi?
Hi lovely, ciao bella,
gei isch noch mid.
Cool bleiwe Schedzl,
alla donn bis moie!
Speak german, moin Schbadz
speak german, my love
and a hip
and a hop
alla donn!
Wu meschdn noch hi?
Hi lovely, ciao bella,
gei isch noch mid.
Cool bleiwe Schedzl,
alla donn bis moie!
Speak german, moin Schbadz
Was geisdisches braucht ma
Hedda eisch aa schunn in Geischd kaaft
Die Helga is mit ähm Dämon arg zufriere
Dem Karl soi Geschbendscha sin glei wia oigonge
Awwa jezad willas mol mit Englscha probian
Mä braischd was geischdisches im Haus, seschda
Mä wolle uns aa was zuleje
Awwa mä waade bisses beim Aldi wia billische Deiflscha gibt
Was geisdisches braucht ma im Haus, gell!
Zweidkopp
Isch hebb ma in Zweidkopp beschdelld.
Donn hewwisch zwee.
De alde fa de hoam rum,
de neie fas Gschefd.
Mid alle Fäz,
un vorprogrammidem Vaschdond.
Donn konn isch ma endlisch in Kopp mache.
Englbloog
Hedda aa sou e Englbloog
Als wia kumme se durschs Fendschda noi
un singe falsch
Des is aa nemme wasses mol waa
Isch hebb misch fa in Schudzenglkors oagemeldt
Donn kumme se ma nemme roi
Schließlisch is unsa Dochda noch Jungfraa
glaawisch wenigschdens
Gfroogt hewwischse net
Des bassiad ma ned, wie mid sellere Maria
Englscha, ich saach eisch Englscha…
Wu is schun des Paradies?
Mein Beitrag für den 61. Pfälzischer Mundartdichterwettstreit in Bockenheim/Weinstraße
Driwwe, iwwa de Himmlsbrigg,
wu die Aache iwwalaafe
zwische de Wolgegiggl un
moi Gedonge Schuglad dropse,
ins Woifass enoi vaschwitzt
donn uf de Zung vaschmelze.
Selles Driwwe
hinna de Wolge
hod noch viel Zeid.
Mä longd schun moin Schorle
un vielleischd zwee Blinzlscha
naggischi Haud on Haud.
Suchmaschine
uf moim blog
im gästeklo
hewwisch kondome gfunne
beschimmd vagesse
vumme billische virescanna
beim dadaie doschfoschde
was ma net alles find
im internet
bockenheim.de
Kona vun de Junge
vaschdeid misch meh
moi Vännemarisch,
moi Muddaschbroch
wie aa die vum Vadda
Glotze misch oa
De Alde hod wia
soi finf Minude
äh redd wia vawädd
im midleidische Bligg
Isch hebb’n vazeild
dass sou die junge Amish
faceboogge deen in Pennsylvania
cool faffe uf Twidda un dord
die Gass mid de Hashtags kähn
Die Gsischda äh Leid
wie ufgebaggene Sunndagsweck
gegoogld hewwe se un fatzegebuggd
gsuchd wie bleed un im Babba
soi Gedischde gfunne uf
bockenheim.de
Mein Beitrag zum 60. Pfälzischen Dichterwettstreit in Bockenheim / Weinstraße
