Ma keend moane mä wään all souuu dreggisch. Dass uns de Himml endlisch mol dusche meesd. Sou hots runna gemacht heit moied. Also, ää keend eisch dodemid noch e bissl beherrsche bis in de Ogdowa, orra? Net? Alla Gut.
Kategorie: Kurpfälzisch
Schun gaaned oam Nil
Isch hebb gedroamd, isch wä in Pharao un mesd moi Schwesda haian. Isch hebb awwa koani. Dud ma laad, awwa moin Bruda haia isch ned, nie. E Gedees wa des. Awwa doann hewwisch ma e Schwesda raussuche deffe. Was wars schee, awwa bevor isch se zuma kumme is, bin isch uffgewachd. Isch sachs eisch ä Leid…
Ma meesd
Ma meesd ubedingd sell mache orra jenes. Kennda des aa? Maa meesd, awwa ma duds ned? Drei Sache heed sich dringend zu mache kadde, un, was hewwisch gemachd? Nix. Dabbisch Zeig gschriwwe und in die Lufd geguggt. Gott sei Donk isses jedzd zu schbeed un isch konn ford. Keennda aa? Alla doan. Kennd jo mitgehn Open Air Gala.
Börse
S’geeng koana mee on die Börse, sache se, blouß de Goggle viellaischd moie. Also isch gei alle Daag on moi Börse, des weje is imma sou wennisch drin. Isch vaschdei des net, all gut und doann.
was
bin isch frouh, dass isch vännemarisch schreiwe koann und net de Blödzeidung , dem dabbische Schbiegel un de brotzische Faz ausgeliffad bin, wie isch jezad schreiwe soll. Die dede noch ferdischbringe isch meesd wie moin Oba noch Zelat sache zum Salad orre de Budda schdadd die. S’is ned zu glaawe, was die Glouwe alles zommeschreiwe, blouß weilse zu faul zum lerne sin. Isch heed gud lache mit moim Vännemarisch, all gut…..
feischd
moin kopp ruht schwä
in doim schouss
de mied lessd die finga ruhn
uf doim kreiz
sell knie grad iwwa doim
die trobbe uf de stän
laafe longsam
de backe entlong
in doi feischdi seel
Vageltsgott
seit de
Vageltsgott
noch Caritas Tarif bezeehld
un selbschd die Muddamilsch
oigeglagd wänn koann
will koana meeh
zweida Vorsitzenda wänn
Vadiefung
unsa diefi Lieb
hewwisch e bissl ausgegrawe,
heischa gsetzt,
dass ma wia bessa
vadiefe kenne
dief, dief drin.
Woann isch nemme koann
Waonn isch mol nemme
fliehje koann
wann isch hald
nemme koann,
weil die Fliggl nemme sou wolle,
loss isch moin geischd flieje,
wie imma schunn
viel heischa nuf
wie vonnehä.
Hed’s glei sou mache solle,
grächs isch vor misch hie
laut grägsisch moi fraad
vor misch hä
un reib ma moi Fliggl
mit doinare Salb
und lieb alleweil oi
iwwa alle Wolge.
Schaddewerdschafd
Moin Scherem is in de
Schaddewerdschafd
zomme mit de oanan Schadde
hoggda do im Schadde
Moin Scherem is in de
Schaddewerdschafd
Bevora ned abgfilld is
kimmd da ned ausem Scherem
Die Schaddewerdschafd is unsan Unnagong
Moin Schadde is schun wia in de Werdschafd