Monat: Oktober 2023

Adagio hewwisch gegrische
Adagio, äh Leid, äh Leid
Ponzer krawwln durschs Gehänn
Die schtoddern largo

Adagio hewwisch gsaat
Isch waaß doch aa net wie ma
des alles uffhään losse keent
Was donn moderato

Als wia Rakede un Drohne
Presto Presto iwweral
Allegro Brenne Brennpunkt
Isch groin doch schun

Adagio , Adagio

So sieht mein Inneres aus, teilweise, was weiß ich.. Wenn ich ratlos bin wähle ich oft meine dialektische Sprache. Dann suchte ich in meiner (offline) Datenbank nach dem Wort Krieg. Es fand sich so viel öfter in den letzten 25 Jahren, als ich dachte.
Adagio weiterlesen

Roud die Sunn, wie mein Kopp,
moi Hond leischd enniwa gelongt
uf doi schdruwwelisch Hoar
vum Wind vawuschld un halt mä
Doi Aache lacheglidzan riwwa,
die Knie ruf un wia ennuna.
Hie un her gerudschd mim Hinnan
in die Hitz, was leeft die Brie..
Laud geid die Schnauf, gejuxt geschluckst
in Buggl gemacht awwa net abgeschdiee

Roud moin Kopp mim Rad un dä
imma weider noi in die Roud Sunn
unserm forzdrugge Gaade entgeje,
wu die goldische Pommfrit wachse.
Schun blinke om Himml Schdännscha
die longsoam unsam laude Orem winke.
Vasinke innenoanna un uffenoanna
weil ma nemme kenne vor Schnaufe
die Rärra oafach higeknalld ins
geele geele Summagras

Woischdroos

Geele Ägga
rutsche dem
Waize entgeje
Hefe Moi gehopft
Mit de Boahn
un ähm Ticket
als dursch die Wingert
gejuckelt vun Schorle
zu Schorle Epplgesaft
Forzdrugge
un in geile Wind
Die Fleeschknebb ruggln
in die Rieslingpitze
Vun driwwe ruufe
se Bonjour un
Munster doin Kees