Kategorie: Kurpfälzisch

Wonn isch denn Olwl vawisch, dem isch uff die Fieß gedabbd bin un dä wu sisch dodriwwa hot net entschuldische losse. Wonn isch denn Olwl wia vawisch, dem dred isch nemme uff die Fieß, blouß dassdass wissd. Alla donn.

Isch waas aa net. Woann alle Amis hoam gehn un koana bleibt meh do, blouß noch die Tourischde in Heidelberg, doann wäd ma gonz oannaschd. Eigendlisch käänse jo schun long dezu. S’deed ma laad, woann se uf oan Schlaag all geengde, wie die Russe selles mol in de DDR.

Ma keend moane mä wään all souuu dreggisch. Dass uns de Himml endlisch mol dusche meesd. Sou hots runna gemacht heit moied. Also, ää keend eisch dodemid noch e bissl beherrsche bis in de Ogdowa, orra? Net? Alla Gut.

Isch hebb gedroamd, isch wä in Pharao un mesd moi Schwesda haian. Isch hebb awwa koani. Dud ma laad, awwa moin Bruda haia isch ned, nie. E Gedees wa des. Awwa doann hewwisch ma e Schwesda raussuche deffe. Was wars schee, awwa bevor isch se zuma kumme is, bin isch uffgewachd. Isch sachs eisch ä Leid…

Ma meesd ubedingd sell mache orra jenes. Kennda des aa? Maa meesd, awwa ma duds ned? Drei Sache heed sich dringend zu mache kadde, un, was hewwisch gemachd? Nix. Dabbisch Zeig gschriwwe und in die Lufd geguggt. Gott sei Donk isses jedzd zu schbeed un isch konn ford. Keennda aa? Alla doan. Kennd jo mitgehn Open Air Gala.

bin isch frouh, dass isch vännemarisch schreiwe koann und net de Blödzeidung , dem dabbische Schbiegel un de brotzische Faz ausgeliffad bin, wie isch jezad schreiwe soll. Die dede noch ferdischbringe isch meesd wie moin Oba noch Zelat sache zum Salad orre de Budda schdadd die. S’is ned zu glaawe, was die Glouwe alles zommeschreiwe, blouß weilse zu faul zum lerne sin. Isch heed gud lache mit moim Vännemarisch, all gut…..