Alla Donn

Oannaschda

Michael -mikel- Bauer — Thu, 02 Jul 2009 07:38:41 +0000

Bei souere Hitz hewwisch ma schun ofd gewinscht, ma keend aa noch nie Haut ausziehe. Schnipp Schnapp, de Reissvaschluss runna, un schunn wäs kiehl. Under your skin is awwa glaawisch onnaschda gemond, orra?

Pälzer Gelawer #Palz

Original post blogged on b2evolution.

s' is zum groine,

Michael -mikel- Bauer — Tue, 09 Dec 2008 14:51:52 +0000

mä felld heid nix, awwera nix oi, iwwa was ma groine un piense keend. Was Neies mon isch hald.
Zum Groine isses!

Moi Mudda

Michael -mikel- Bauer — Thu, 21 Feb 2008 16:13:30 +0000

babbld Vännemarisch wie isch aa. Ja unn? Vagesses, was es alles fa Daag gibt ah, noo.

Tag der Muttersprache..

Himmls Urlaub

Michael -mikel- Bauer — Sat, 27 Oct 2007 16:26:31 +0000

Hewwe sie ah in Urlaub im Himml gebucht? Tonde Erika war schunn dort. Des hoddere gut gfalle, s'geeb sogar Jägerschitzl mit Pommfritz und Salad. Blous die Erzengl wään e bissl daab. Imma sou iwwazwersch und wollde alle finf Minudde was geisdisches vakinde. Schunschd wä awwa alles schee dusmo. Sogar de liewe Godd deed net beim Middagsschleefl schdään. S'wään awwa viel zu wenisch Männa do drowwe in Urlaub, von de Selische hot ma jo sou körberlisch nix, hot se gsaat und die Libbe nochgezooje. Ja und seitdem iwwaleggd sich de Couseng Erwin aa sou in Urlaub zu mache. Im Himml mime haufe Weiwa un ugschdärde Middagsschlof, des wä doch was. Fa Sie net aa? Alla, bis donn im Himml, awwa blous uf Urlaub, gell?

Original post blogged on b2evolution.

moin senf

Michael -mikel- Bauer — Wed, 24 Oct 2007 06:58:42 +0000

moin Senf
geit niemond ebbes oa
moin senf gebb isch nedd hä
in moin senf schdeggd net jada
soi werschdl

Original post blogged on b2evolution.

Iwwasetza

Michael -mikel- Bauer — Fri, 19 Oct 2007 18:30:31 +0000

Iwwasetzt doch all die dumme Schbrisch vun de Werwe-tontes und de Bolidiga-ungls un vo allem de Topmanager-Godfathers in eian Dialegd, wonn schunschd nix mee hilft. No, gell, is geil, hä? Heeda ned gedengt. Do bleibd meischdens nix iwwarisch ausser däre haase Lufd und die is doch klasse bei dem Werra, orrra? Gell, alla donn.

Original post blogged on b2evolution.

Lesabrief

Michael -mikel- Bauer — Sun, 14 Oct 2007 14:46:22 +0000

http://mikelbower.de/blog/media/users/mikel/lesabrief.mp3

Fa sou Ferz, wie die viele Farwe uf de Beem, sou ganz frieh schun im Johr, hewwe se Geld, awwa die Schtross mol wia oaschdennisch zu tään, do fehlts dann wia. Wonn die sisch uff e paa Farwe wennischa oanische keende, donn wä beschdimmd sogar noch e Schwesda mee fa de Kinnagaade drin. Nix va uuguud. Alla donn.

Original post blogged on b2evolution.

Is Rende eigendlisch

Michael -mikel- Bauer — Wed, 03 Oct 2007 19:13:32 +0000

tötlisch? Isch moan jo blouß. Alle Leid, die isch sou kenn, in ledschda Zeit, wu gschdorwe sin un isch bei de Beädischung waa, waan Rendna. Ählisch, absolut jeda, pardong Hilde, jedi, ja, RentnarIN. Es schoind seldsoam zu soi. Oannan Leid schderwe wesendlisch seldena, wonn se net grad bei de Mafia schaffe orram Milidä. Isses unna denne Umständ iwwahaupt ärstrebenswert (was e Wort, ärsstrebenswert) Rendna zu wän? No, ISCH will koa RenterIN wänn, Hilde. S'geid um MISCH, vaschdeischde? Rende is tödlisch, des muss ma mol durschdenge. Ärlisch jezad. Wonn de mol Renda bischd isses sehr wahrschoinlisch, dass de irgendwonn abnibblschd, nedd, dass des vielleischd schleschd wää, s'kimmt imma druff ao, imma kimmts druff oa. Awwa unna denne Gsischtspunkte is die Rente ab sieweneseschzisch (67 ) gaar ned sou schlescht, orra? Do missese schun gugge, dass de net vornehä, äh den Exitus mescht, orra? Ach was is die Weld sou schleschd, orra ned? Ned? Is dursch, is gesse des Thema? Alla gud!

Original post blogged on b2evolution.